Good Project пен мәскеулік White Rabbit Family-дің бірлескен жобасы биігін барлық мағынада ұстап тұр. Гарри Нуриев қолтаңбасы қалған интерьер, The Ritz-Carlton қонақүйінің 18-қабатынан ашылатын елорда көрінісі, өздерінің Astana Global Gastro фестивалі — оған Рим мен Сеулден, Испания мен Бельгиядан Michelin жұлдызды шефтер келеді. Асүйде ұлттық дәстүрлерді жаңаша пайымдаудан қорықпайды. «Дәм мұрасы» сетінде — жылқы жүрегі қосылған түйе тұшпарасы, Балқаш көксеркесі күздік бидаймен және құрттан жасалған балмұздақ. Ал негізгі мәзірде сегізаяқ, паста мен борщтың қатарында KZ белгісімен ұсынылатын жергілікті тағамдар да бар. Дастарқанға серік — қазақстандық бренди, виски топтамасы және таңдаулы шараптар.