2025 жылы Simple Pleasures тобының (Rifugio del Monte, Pier және басқа жобалар) күшімен аңызға айналған балмұздақ кафесінің қайта жаңғыруы нағыз сәтті жоба болды. Ғимараттың 1967 жылғы әуелгі келбетін паннодан көруге болады: оның авторы — сол кездегі Алма-Атаның бас сәулетшісі Малбағар Мендіқұлов. Ал қарлығаштар бейнеленген мозаика — Art Oskolok студиясының жұмысы (олардың туындылары Ultima жеткізу бокстарына да салынған). «Қарлығаштың» әр алматылық үшін өз тарихы бар. Мұнда мектептен кейін де, кездесуге де, сырға салу мен тұсаукесер сияқты отбасылық рәсімдерге де келетін. Ең бастысы — бәрі сол атақты пломбирді жақсы көретін. Бүгінде оны шоколад үгіндісімен де, дәстүрлі креманкада да қайтадан ұсынады. Асүйі де, сусындар мәзірі де кез келген талғамға сай: уылдырық пен бәліштер, борщ, сибас пен бешбармақ, пицца және күні бойы ұсынылатын таңғы астар.