abr отбасына кіретін грузин мейрамханаларының тарихы он жылдан асады. Достық пен Құрманғазы көшелерінің қиылысында Алматыдағы үш мейрамхананың екіншісі орналасқан. 2025 жылы жобаға жаңа тыныс берілді: интерьерді Тбилисидегі профессордың пәтеріне ұқсатып жаңартса, қызметкерлердің киімін Ваке ауданындағы сәнқойлардан шабыттанып әзірлеген. Нәтижесі көп күттірмеді: хачапури, хинкали, кәуап пен чахохбилиге орын табу оңай емес. Шарап картасында қызғылт сары шараптар, үй шараптары, жеміс шараптары және киси спешиал резерв бар. Соңынан чача ішіп, жергілікті Umami крафт балмұздағының тархун дәмін көріңіз. Ал өзіңізбен бірге пештен шыққан нан мен кондари және харчо сунели секілді дәстүрлі дәмдеуіштерді ала кетуге болады.