Томскіден бастау алған бұл пиццерия Coffee Roots specialty кофеханасымен бір шаңырақ астында орналасқан. Төбедегі инсталляция Алатау жоталарын бейнелейді — оған дұрыс бұрыштан қарасаңыз ғана толық көрініс ашылады. Ал үстелдердің бір бөлігі осы жерде жиналған қайта өңделген пластиктен жасалған. Классикалық кофе, латте немесе фильтрмен бірге мұндағы басты жұлдыздар — пиццалар. «Мит Джаггер» жылқы ростбифімен, RHCP чоризомен, ал албырт балық қосылған «Аквариум» — осының бәрінен Вудсток 2.0 фестивалін құрастыруға болатындай. Айтпақшы, аты аңызға айналған фестивальдің құрметіне арналған Вудсток пиццасы да бар — ветчинамен дайындалады. Мәзірде бұдан бөлек паста, сэндвичтер мен таңғы ас, аздаған крафт сырасы мен шарап ұсынылады. Логотиптегі пицца peace белгісі түрінде кесілген — бұл жердің рухы да сондай: жүгіру кездесулері, кино кештері, кейде тіпті тауды жақсы көретін қонақтарға альпинизм қабырғасына арналған ваучер сыйлайды.